રાજકોટ અકસ્માતમાં ત્રણ બહેનોના એકના એક ભાઈનું મોત:બેડી ચોક પાસે અજાણ્યા વાહનની ટક્કરે રિક્ષાનો બુકડો બોલ્યો, દાદીના ઘરેથી પરત ફરતા અકસ્માત થયો
રાજકોટમાં વધુ એક અકસ્માતની ઘટના સામે આવી છે. જેમાં મોરબી રોડ પર આવેલા હડાળા ગામના રહેવાસી પ્રેમ મોવર (ઉ.વ. 18) રિક્ષા લઈને રાજકોટમાં બજરંગવાડી વિસ્તારમાં રહેતા દાદીના ઘરે આવ્યો હતો અને ત્યાંથી પરત ફરતો હતો, ત્યારે અજાણ્યા વાહને રિક્ષાને ટક્કર મારતા ઇજાગ્રસ્ત થતાં પ્રેમને આસપાસના લોકોએ સિવિલ હોસ્પિટલ ખસેડ્યો હતો. જોકે, ટૂંકી સારવાર દરમિયાન તેનું મોત નિપજ્યું હતું. ત્રણ બહેનોના એકના એક યુવાન ભાઈના મોતથી પરિવારમાં શોકનો માહોલ છવાઈ જવા પામ્યો છે. અજાણ્યો યુવાન લોહી લુહાણ હાલતમાં પડ્યો હતો
રાજકોટ નજીક બેડી ચોક પાસે માધાપર ચોકડી તરફ જતા રસ્તે ગઈકાલે મોડી રાત્રિના સમયે અજાણ્યો યુવાન લોહી લુહાણ હાલતમાં પડ્યો હતો. જેને અન્ય રાહદારીઓએ 108 મારફત સિવિલ હોસ્પિટલમાં ખસેડ્યો હતો. અહીં ડોકટરે તેને મૃત જાહેર કરી પોલીસને જાણ કરી હતી. પોલીસે તપાસ કરતા આ યુવાન મોરબી રોડ પર આવેલા હડાળા ગામનો પ્રેમ આમદભાઈ મોવર (ઉં.વ.18) હોવાનું સામે આવ્યું હતું. પ્રેમ ત્રણ બહેનનો એકના એક ભાઈનું મોત
પોલીસની પ્રાથમિક તપાસમાં જાણવા મળ્યું હતું કે, પ્રેમ બજરંગવાડીમાં રહેતા તેમના દાદીના ઘરે ગયો હતો અને ત્યાંથી રાત્રે પરત હડાળા ગામ પોતાના ઘરે જતો હતો, ત્યારે રિક્ષા કોઈ વાહન સાથે અથડાઈ કે જેના કારણે અકસ્માત સર્જાયો હતો. જેમાં રિક્ષાનો બુકડો બોલી ગયો હતો અને પ્રેમને ઈજા થતા મોત નિપજ્યું હતું. પ્રેમ ત્રણ બહેનનો એકનો એક ભાઈ હતો. તેણે શોખ ખાતર રિક્ષા રાખી હતી અને ચલાવતો હતો. આશાસ્પદ યુવાનના મોતથી પરિવારમાં માતમ છવાયો હતો. આ તરફ પોલીસે અકસ્માત કઈ રીતે સર્જાયો તે અંગે વધુ તપાસ હાથ ધરી છે.