દિલ્હી બ્લાસ્ટ બાદ ગુજરાતમાં હાઈ એલર્ટ:પાકિસ્તાન સાથે દરિયાઈ પટ્ટીના કારણે રાજકોટ રેન્જના 5 જિલ્લામાં એલર્ટ, અમદાવાદ-ગાંધીનગર સહિત રાજ્યભરમાં પોલીસનું સઘન ચેકિંગ
Published: November 11, 2025 •
Language: English
દિલ્હીના લાલ કિલ્લા પાસે થયેલા બ્લાસ્ટ બાદ ગુજરાત સંપૂર્ણ હાઈ એલર્ટ પર છે. બ્લાસ્ટ બાદ અમદાવાદ-ગાંધીનગરથી લઈને રાજકોટ રેન્જના પાકિસ્તાન સાથે દરિયાઈ પટ્ટી ધરાવતા 5 જિલ્લા સહિત રાજ્યભરમાં પોલીસે સઘન ચેકિંગનો ધમધમાટ શરૂ કરી દીધો હતો. ભાવનગર, જૂનાગઢ, નવસારી, પાટણ, સુરતની વરાછા, વડોદરા-ભરૂચ રેલવે સ્ટેશન, એસટી બસ સ્ટેન્ડ, હોટલ-ધાબા, બજાર, ધાર્મિક સ્થળો અને ગુજરાત-રાજસ્થાન બોર્ડરની તમામ ચેકપોસ્ટો પર બેરિકેટિંગ સાથે વાહનો-મુસાફરોની ઝીણવટભરી તપાસ ચાલુ કરવામાં આવી છે. ચિલોડા, કલોલ, અમીરગઢ સહિતના નાકાઓ પર પોલીસનો કડક બંદોબસ્ત છે. ગુજરાત DGPએ ટ્વીટ કરીને લોકોને અફવાઓથી દૂર રહેવા અપીલ કરી છે, જ્યારે તમામ જિલ્લાના SP-DySP સ્વયં મેદાનમાં ઉતરીને ચેકિંગ કર્યું.